Муфтии Босния баъди таҳдидҳои ДИ кумак мехоҳад25-02-2016, 10:30
Хабарро хонданд: 276 нафар
Назарҳо: 0
 "Ман умедворам, ки мақомоти давлатӣ ба ин таҳдидҳоро ҷиддӣ мегиранд", - омадааст дар изҳороти дастгоҳи Кавазович. Муроҷиати идораи муфтиёт баъди нашри таҳдидҳои фарде зери парчами ДИ дар матбуоти Босния, паҳн гардид. Ин фард таҳдид мекунад, ки "гулӯ"-и Кавазовичро хоҳад бурид. Телевизиони ҷамятии FTV мегӯяд, дар навори видеоӣ Амир Селимович, мусалмони Босния, ки соли 2014 ба сафи ДИ пайвастааст, суханронӣ мекунад. Вазири амнияти Босния Драган Мектич ин таҳдидро "ҷиддӣ" унвон кард ва ваъда дод, ки давлат барои ҳифзи Кавазович "чораҳои иловагии амниятӣ" хоҳад андешид. Баъди ҳамлаҳои Порис, ки 130 қурбонӣ ба ҷой гузошт, Кавазович чандин бор экстремизми исломӣ ва тундгароии мусалмонҳои Боснияро маҳкум кард. Дар айни ҳол 40 дарсади аҳолии Боснияро мусалмонҳо ташкил медиҳанд. Мақомоти ин кишвар мегӯянд, аз 200 шаҳрванди кишвар, ки ба гуруҳҳои тундгаро дар Сурияву Ироқ пайвастаанд, 50 нафар баргашта, ҳадди ақал 26 босниягӣ кушта шудаанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
