Кўмак ба иштирокчиёни Ҷанги Бузурги Ватанӣ

Кумитаи иҷроияи ҲХДТ дар шаҳри Душанбе дар доираи дастуру ҳидоятҳои Асосгузори сулҳу ваҳдати миллӣ - Пешвои миллат, Раиси муаззами ҲХДТ, Президенти Ҷумҳурии Тоҷикистон муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ бо ташаббуси Кумитаи иҷроияи ҲХДТ дар ноҳияи Шоҳмансур бахшида ба 75-умин солгарди Ҷанги Бузурги Ватанӣ бо иштироки Мирзозода Иброҳим Холмурод – Раиси Кумитаи иҷроияи ҲХДТ дар шаҳри Душанбе, Гулаҳмадзода Зулфиқор Аҳмад - Раиси Кумитаи иҷроияи ҲХДТ дар ноҳияи Шоҳмансур ба иштирокчиёни ҶБВ кумакҳои молиявӣ ба миқдори 500 (панҷсад сомонӣ) расонида шуд. Дар ин радиф вакилони Маҷлиси вакилони халқи шаҳри Душанбе Муродов Маҳмудҷон ва Раҳмон Дилшод Сафарбек ба иштирокчиёни ҶБВ кўмаки молиявӣ ва озуқаворӣ аз қабили орд, равған, биринҷ, картошка, пиёз, макарон ва маводҳои антисептикӣ расониданд.
Мирзозода Иброҳим Холмурод иштирокчиён ва собиқадорони Ҷанги Бузурги Ватаниро бо иди Рўзи Ғалаба табрику шодбош гуфта, ба онҳо сиҳатмандию рўзгори хуш таманно намуд.
Иштирокчиёни ҶБВ дар навбати худ ба Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон ва Раиси шаҳри Душанбе муҳтарам Рустами Эмомалӣ ҷиҳати дастгириву ғамхориҳо нисбат ба иштирокчиёни ҶБВ, ятимону бепарасторон ва ободиву бунёдкориҳо изҳори хушнудӣ карда, миннатдорӣ намуданд.