59 Даъвои бонкҳо нисбати қарзгирандагон дар соли 201522-01-2016, 12:29
Хабарро хонданд: 331 нафар
Назарҳо: 0
 Дар ин бора Абдуҷаббор Розиқзода, муовини аввали раиси Суди Олии иқтисодии Тоҷикистон зимни нишасти матбуотии ин ниҳод иттилоъ дода гуфт, ки давоми соли 2015 аз ҷониби бонкҳои кишвар 59 аризаи даъвогӣ нисбати муштариёнашон ворид гардид, ки ҳамаи онҳо мавриди баррасӣ қарор гирифта, ҳалли ниҳоии худро пайдо карданд. Муовини аввали Раиси Суди Олии иқтисодии кишвар мегӯяд, дар соли 2015 бонкҳои Тоҷикистон нисбати муштариёни худ аз солҳои қаблӣ дида, бештар даъво пеш овардаанд. Аз ҷумла дар соли 2014 шумораи чунин даъво ҳамагӣ то ба 43 адад расида буд. А. Розиқзода, инчунин зикр кард, ки дар ин давра, дар Суди Олии иқтисодии Тоҷикистон бо иштироки шаҳрвандони хориҷӣ 5 парвандаи иқтисодӣ баррасӣ шудааст, ки шумораи чунин баҳсҳо нисбати солҳои пеш то як андоза коҳиш ёфтааст. Ба иттилои А. Розиқзода, дар зарфи соли сипаришуда аз ҷониби Суди Олии иқтисодии кишвар дар маҷмӯъ беш аз 400 парванда баррасӣ гардидааст, ки 169 парванда дар марҳилаи якум, 244 парванда дар коллегияи судӣ, 7 парванда дар марҳилаи назоратӣ ва 4 парванда дар Раёсати Суди Олии иқтисодии кишвар баррасӣ шудааст. ©И.Тоҳир |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
