Паём – раҳнамои зиндагӣ

Дар ташкилоти ибтидоии “Дилоро”-и кумитаи иҷроияи ҲХДТ дар шаҳри Хуҷанд бо мақсади шарҳу тавзеҳи Паёми Пешвои миллат мулоқот доир гардид.
Ҷонишини раиси кумитаи иҷроияи ҲХДТ дар шаҳри Хуҷанд Муҳаббат Ӯрунбоева ва ҷонишини раиси кумитаи иҷроияи ибтидоии “Истиқлол” Ҳамрохон Атаева оид ба муҳимтарин нуктаҳои Паём ибрози андеша намуданд. Зикр гардид, ки дар марҳилаи кунунӣ ҳифзи арзишиҳои миллӣ аҳмияти махсус пайдо намудаанд. Тарбияи ҷавонони мамлакат дар рӯҳияи ватандӯстию ватанпарастӣ, худшиносӣ, меҳнатдӯстӣ омӯзиши илм ва касбу ҳунарҳои муосир, истифодаи самараноки иқтидорӣ зеҳнӣ ва маънавии онҳо масълаҳои муҳимтарини ҷомеа маҳсуб меёбанд.
Дар ҷамбасти вохӯрӣ ба 19 нафар занҳои фаъол шаҳодатномҳои ҳизбӣ супорида шуд.
Ҳамингуна чорабинӣ дар ташкилоти ибтидоии Маркази саломатии №3 низ доир шуд. Муҳаббат Ӯрунбоева қайд намуд, ки соҳаи тандурустӣ, соҳаи муҳим ва афзалиятноки иҷтимоӣ маҳсуб ёфта, аз ҷониби Ҳукумати мамлакат ба солимии ҷомеа ва ҳифзи иҷтимоии аҳолӣ диққати махсус дода мешавад.