Аз «Мулло Мушфиқӣ» то «Хорпуштак» 90 сол гузашт7-10-2016, 10:07
Хабарро хонданд: 1810 нафар
Назарҳо: 3
 Душанбе, 6.10.2016 /АМИТ «Ховар»/. Имрӯз дар даромадгоҳи бинои Маҷмааи табъу нашри «Шарқи озод» бо иштироки донишҷӯёни Коллеҷи рассомии шаҳри Душанбе ва кормандони маҷаллаву рӯзномаҳои «Шарқи озод» ба муносибати 90- солагии маҷаллаи «Хорпуштак» барномаи фарҳангӣ таҳти унвони «Санҷиши маҳорат» баргузор гардид. Садриддин Ёров, муовини сармуҳаррири маҷаллаи «Хорпуштак» ба хабарнигорон иттилоъ дод, ки «навад сол муқаддам маҷалла бо номи «Мулло Мушфиқӣ» арзи вуҷуд карда буд. Мақсад ва мароми маҷалла камбудиҳои замон ва зиндагиро бо қалами ҳаҷв, ки таъсираш назар ба дигар жанрҳои адабиёту матбуот зиёдтар аст, инъикос кардан буд ва мебошад. Имрӯз новобаста аз тараққиёту дигаргуниҳои замона маҷалла мароми худро дигар накардааст. Албатта, маҷаллаи «Хорпуштак» дар замони бозсозӣ аз нигоҳи ороиши техникӣ ва ба табъ расидан мувофиқи талаботи замона нашр мегардад. Имрӯз маҷалла бо расмҳо ва карикатураҳояш мақбули хонандагон гардидааст». Хайрулло Давлатов, саррассоми маҷалла ба иштирокдорон оид ба карикатура маълумот дода, тарзи тасвир намудани онро ба онҳо нишон дод. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
