Сокинони шаҳри Хуҷанд вакили маҷлиси вилоятиро интихоб намуданд.23-06-2016, 17:00
Хабарро хонданд: 303 нафар
Назарҳо: 0
 Назар ба маълумоти ҳавзаи интихоботии мазкур аз субҳи барвақт дар ҳамаи 14 участкаи овоздиҳӣ комиссия ба кор шурӯъ намуда, сокинони ҳуқуқи овоздиҳӣ дошта муташаккилона ба участкаҳои овоздиҳӣ омада барои номзадҳои худ овоз доданд. Дар ҳавзаи мазкур ҳудуди ду маҳаллаи шаҳр,- маҳаллаҳои «Суғдиён» ва «Сирдарё» ҷойгир буда шумораи интихобкунандагон ба Маҷлиси вакилони халқи вилояти Суғд «Сирдарё № 1» 15 ҳазору 304 нафарро ташкил медиҳад. Дар маъракаи пешазинтихоботӣ бошад тибқи нақшаи тасдиқнамудаи ҳавзаи интихоботӣ номзад ба вакилии Маҷлиси вакилони халқи вилояти Суғд ду нафар номзадҳои ба қайд гирифташуда,- соҳибкор, ҳунарманди шинохта Салима Каримова ва Назира Каримова мудири боғчаи бачагонаи 26 бо интихобкунандагони худ 10 мулоқоту вохӯриҳоро анҷом доданд. Назар ба маълумоти раиси Ҳавзаи интихоботии мазкур Назирҷон Азизов дар ин интихоботи миёндаврӣ аз шумораи умумии интихобкунандагони дар рӯйхат буда 88,3 % шаҳрвандон ширкат намуда ба тарафдории номзад Салима Каримова 72% интихобкунандагон овоз доданд. Ҳамин тариқ ҳунарманд, соҳибкори инфиродӣ Салима Каримова аз ҳавзаи интихоботии «Сирдарё №1» вакили Маҷлиси вакилони халқи вилояти Суғд интихоб гардид. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
