Эътирози нафткашон аз "фаромӯш шудан"-и мукофоти семоҳа7-03-2016, 17:00
Хабарро хонданд: 262 нафар
Назарҳо: 0
 Наздики 200 коргари ширкати Techno Trading LTD 4 март дар кони Жетибойи ноҳияи Мунайлини вилояти Мангистауи Қазоқистон гирдиҳам омада, талаб карданд, ки мукофотпулиҳои семоҳаи соли 2015 ба онҳо пардохт ва раҳбари ширкат Одил Ниёзов, ки ба коргарон фишор меоварад, аз вазифааш барканор шавад. Ба гуфтаи муовини раҳбари иттиҳодияи коргарони ин ширкат Куан Сафарбоев, коргарон маҷбуранд даст ба эътироз зананд, чун вазъият дар корхона ҳамарӯза бадтар мешавад. Ин нахустин иқдоми эътирозии коргарони ширкати Techno Trading LTD нест. Соли гузашта низ онҳо борҳо гирдиҳамоӣ карда, талабҳои иҷтимоӣ пеш гузоштанд. Дар соли гузашта баъд аз як эътирози навбатӣ шаш корманди ширкат аз кор ронда шуданд. Бахши ширкати Techno Trading LTD дар вилояти Мангистау ба таъмири таҷҳизот дар конҳои Каламкас ва Жетибойи ширкати “Мангистаумунайгаз” машғул аст. Дар шаш коргоҳи он қариб 700 нафар кор мекунанд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
