МАҲФИЛИ АДАБӢ-ФАРҲАНГӢ ТАҲТИ УНВОНИ “САҲМИ БОНУВОН ДАР ТАҲКИМИ ИСТИҚЛОЛИЯТИ ДАВЛАТӢ”

Дар доираи дастуру супоришҳои Дастгоҳи Кумитаи Иҷроияи Марказии ҲХДТ ва Кумитаи иҷроияи шаҳрии ҳизб бахшида ба таҷлили 30-солагии Истиқлолияти давлатии Ҷумҳурии Тоҷикистон имрӯз дар меҳмонхонаи Ҳаят реҷенси Душанбе аз ҷониби Кумитаи иҷроияи ҲХДТ дар ноҳияи Синои шаҳри Душанбе маҳфили адабӣ-фарҳангӣ таҳти унвони “Саҳми бонувон дар таҳкими Истиқлолияти давлатии Ҷумҳурии Тоҷикистон” доир гардид.
Дар чорабинӣ Латифзода А.Қ. – муовини Раиси ҲХДТ, Қурбонзода Ҳ. – раиси Кумитаи кор бо занон ва оилаи назди Ҳукумати Ҷумҳурии Тоҷикистон, Файзуллозода З.Ф. - раиси Кумитаи иҷроияи ҲХДТ дар ноҳияи Синои шаҳри Душанбе, Қурбонова Р.А. – раиси Шӯрои собиқадорони ҲХДТ, Назаров Д. – муовини раиси Кумитаи кор бо ҷавонон ва варзиши назди Ҳукумати Ҷумҳурии Тоҷикистон, Аҳмадзода Л. - сармуҳаррири нашрияи "Мароми пойтахт" иштирок ва суханронӣ намуданд.
Инчунин, дар маҳфили адабӣ-фарҳангӣ собиқадорони Ҳизби Халқии Демократии Тоҷикистон, варзишгарзанони маъруфи кишвар, вакилзанони Маҷлиси вакилони халқи шаҳри Душанбе, вакилзанони Маҷлиси вакилони халқи ноҳияи Синои шаҳри Душанбе, аъзои Раёсат ва Кумитаи иҷроия аз ҳисоби занон, фаъолзанони ноҳия ва ҷавондухтарони зодаи Истиқлолият иштирок намуданд.
Баъд аз маросими ифтитоҳи расмӣ баҳри болидахотирии иштирокчиёни маҳфил бо иштироки сарояндагони маъруфи кишвар чорабинии рангини фарҳангӣ доир гардид.
Дар фарҷом ба як қатор собиқадорон ва варзишгарзанони муваффақ дар вазъияти тантанавӣ Сипоснома ва Ифтихорномаҳои Кумитаи иҷроияи ҲХДТ дар ноҳияи Синои шаҳри Душанбе супорида шуд.