Иктишофҳои Ироқ мегӯянд, раҳбари ДИ-ро боздошт карданд21-05-2020, 10:36
Хабарро хонданд: 173 нафар
Назарҳо: 0
 Хадамоти иктишофии Ироқ аз боздошти раҳбари гуруҳи даҳшатафкани "Давлати исломӣ" (ДИ) хабар додааст. Ба иттилои хадамот, шахси боздоштшуда баъди куштори Абубакр Бағдодӣ аз сӯи низомиёни амрикоӣ дар моҳи октябри соли гузашта раҳбари ДИ интихоб шуда буд. ДИ дар иттилоияҳояш Абуиброҳим ал-Ҳошимӣ ал-Қурайширо раҳбари худ меномид. Ба иттилои "Садои Амрико", дар Вашингтон бар инанд, ки зери ин ном яке аз бунёдгузрон ва идеологҳои гуруҳ Амир Муҳаммад Абдурраҳмон ал-Мауля пинҳон аст. Хадамоти иктишофии Ироқ мегӯяд, номи воқеии боздоштшуда Абдулносир ал-Кирдаш аст. Дар бораи шарҳи ҳоли ӯ ҷузъиёти бештаре оварда намешавад. Канали русии Directorate 4 дар шабакаи Телеграм бо иснод ба як коршиноси ироқӣ хабар додааст, ки эҳтимол аст, боздоштшуда як узви баландпояи созмони террористии "ал-Қоида бошад, ки солҳои 2001-2019 ДИ-ро дар Сурия раҳбарӣ кардааст. Маҳалли нигаҳдории нафари боздоштшуда ифшо карда намешавад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
