Ҳиндустон 25 квотаро барои Тоҷикистон ҷудо кард

Сафорати Ҳиндустон дар Душанбе бо нашри хабаре эълон кард, ки шаҳрвандони Тоҷикистонро барои таҳсил дар донишгоҳҳои Ҳиндустон барои солҳои 2020-21 даъват мекунад. Маълумоти муфассал дар сомонаи Сафорат дастрас аст. Дар огоҳнома омадааст, ки барои шаҳрвандони кишвар 25 квота ҷудо гардидааст.
Ҳар сол Ҳукумати Ҳиндустон ба шаҳрвандони Тоҷикистон барои гирифтани дараҷаҳои бакалавр, магистр ва докторӣ дар донишгоҳҳои Ҳиндустон квотаҳоро пешниҳод мекунад. То имрӯз зиёда аз 360 шаҳрванди Тоҷикистон ин имкониятро истифода кардаанд.
Ҳиндустон шарики муҳими Тоҷикистон дар соҳаи таҳсилоти олӣ, таълим ва такмили ихтисос мебошад. Ба шарофати барномаи Ҳамкориҳои Техникӣ ва Иқтисодии Ҳиндустон (ITEC), ҳар сол 200 мутахассисони тоҷик барои такмили ихтисос ба Ҳиндустон мераванд. Ин курсҳо аз ҷониби Ҳукумати Ҳиндустон пурра маблағгузорӣ карда мешаванд ва то имрӯз дар доираи барномаи ITEC беш аз 1425 мутахассис ва хизматчиёни давлатии тоҷик, таълим гирифтаанд.
Тафсилоти бештар: http://www.eoidushanbe.gov.in/alert_detail/?alertid=22