Оинаи дурнамои миллат

Ҳамасола сокинони кишвари азизамон ьар як Паёми Асосгузори сулҳу ваҳдати милли, Пешвои миллат, Президенти Ҷумҳурии Тоҷикистон, муҳтарам Эмомали Раҳмонро ба Маҷлиси Олии мамлакат бесаброна интизорӣ мекашанд. Зеро дар онҳо фаъолияти яксолаи вазорату идораҳо, ташкилоту корхона ва сиёсати хориҷии кишвар мавриди таҳлили амиқ қарор гирифта, аз бурду бохт, муваффақияту камбудии соҳаҳо маълумот дода мешавад.
Ҳамчунин бо мақсади ислоҳи камбудиҳои ҷойдошта ва дар сатҳи хубтар ба роҳ мондани кор дастурҳои мушаххас пешниҳод мегардад. Ҳарчанд расман ин ҳуҷҷати муҳими тақдирсоз унвонии мақоми олии намояндагӣ ва қонунгузори кишвар пешниҳод мегардад, вале он дар маҷмуъ ба ҳар як сокини кишвар, ки нисбат ба пешрафту ободонии диёр, беҳдошти сатҳи некуаҳволии мардум бетараф нест, дахл дорад.
Мардум бо умеду боварии зиёд ба ҳар нутқи пурмуҳтавои Пешвои миллат гӯш дода, дар заминаи хулоса ва бардошт дар фаъолияти ҳаррӯза онро сармашқи кор қарор медиҳанд.
Аз ҷумла барои мо- аъзоёну ҷонибдорони Ҳизби Халқии Демократии Тоҷикистон Паёмҳои Пешвои миллат як ҷаҳон таассурот мебахшанд ва дастуру ҳидоятҳои Асосгузори сулҳу ваҳдати милли, Пешвои миллат, Президенти Ҷумҳурии Тоҷикистон, Раиси муаззами ҲХДТ, муҳтарам Эмомалӣ Раҳмонро дар фаъолияти рӯзмарра мавриди истифода қарор медиҳем.
Паёмҳои ҳамасолаи Пешвои миллат, Ҷаноби Олӣ, муҳтарам Эмомали Раҳмон таҳлили рушди ҳамаҷонибаи мамлакат барои оянда буда, Сардори давлат бори дигар ба дурнамои рушди ояндаи Ватан бо овардани далелҳои аниқ назари некбинона менамоянд.
Ҳамагон шоҳиди бевоситаи он ҳастем, ки аз Паём то Паёми дигари Пешвои миллат дар ҳаёти гуногунҷабҳаи кишвари мо дигаргуниҳои куллӣ ба назар мерасанд ва айни замон мо дигаргуниҳои сиёсӣ ва иқтисодию иҷтимоиро дар ҳаёти кишварамон мушоҳида карда истодаем.
Дар паёмҳои ҳамасолаи худ Пешвои муаззами миллат, муҳтарам Эмомалӣ Раҳмон таъкид менамоянд, ки муҳаё сохтани шароити зиндагии шоиста барои ҳар як сокини мамлакат инчунин қабул ва амалӣ гардидани ҳамаи нақшаву барномаҳо ба хотири ҳамин ҳадафи олӣ мебошанд. Зеро таърихи начандон тӯлонии давлатдориамон собит менамояд, ки ҳифзи истиклолияти давлатӣ ва дастовардҳои он, химояи амният ва манфиатҳои милливу давлатӣ, устувор гардонидани ваҳдати миллӣ ва нигоҳ доштани субботу оромии ҷомеа, инчунин таъмин намудани рушди иқтисодии кишвар ва беҳтар гардидани сатҳу сифати зиндагии аҳолӣ дар шароити торафт вусъат пайдо кардани бархурди қудратҳои ҷаҳонӣ вазифаи аввалиндараҷаи ҳамаи рукнҳои ҳокимияти давлатӣ ва ҳар як шаҳрванди ватандӯсту ватанпарвар мебошад.


Маҳмадаюб Шарифзода
Раиси Кумитаи иҷроияи ҲХДТ
дар ноҳияи Қубодиён