Беларус ба дархости истирдоди сарвазири пешини Қирғизистон посух надодааст4-10-2018, 10:00
Хабарро хонданд: 147 нафар
Назарҳо: 0
 Мақомоти расмии Беларус ҳанӯз ба дархости Додситонии кулли Қирғизистон барои истирдоди сарвазири пешини ин кишвар Даниёр Усенов ба ватан посух надодаанд. Дар ин бора хадамоти матбуотии додситонӣ иттилоъ медиҳад. Расонаҳои Беларус 27 июл аксҳои шахсеро нашр карданд, ки ба сарвазири фирории Қирғизистон Даниёр Усенов монанд аст. Яке аз хабарнигорон ҳатто бо ин шахс тавонист суҳбат кунад, ки худро соҳибкор Даниил Уритский муаррифӣ кард. Дар натиҷа, кордори муваққати сафорати Белорус дар шаҳри Бишкек Сергей Иванов 28 июл ба Вазорати умури хориҷии Қирғизистон эҳзор шуд. Ҷониби Қирғизистон ба Иванов ёддоштеро ироа карда, роҷеъ ба будубош ва фаъолияти Даниёр Усенов дар Белорус, ки дар Қирғизистон дар ғайбаш ба ҳабси абад маҳкум шудааст, эътироз баён кард. Ёдрас мешавем, додгоҳи Қирғизистон сарвазири пешини фирории ин кишвар Даниёр Усеновро бо ҷурми даст доштан дар ҳодисаҳои моҳи апрели соли 2010 дар ғайбаш ба ҳабси якумрӣ маҳкум кардааст. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
