Русия бо Ҷумҳурии Африқои Марказӣ паймони низомӣ баст22-08-2018, 08:50
Хабарро хонданд: 109 нафар
Назарҳо: 0
 Қаблан матбуот дар бораи "аскарони кироя" аз ширкати хусусии низомии "Вагнер"-и Русия дар қаламрави Ҷумҳурии Африқои Марказӣ (ҶАМ) гузориш дода буд. Хабарнигорони рус, ки дар ин бора матлаби таҳқиқотӣ омода мекарданд, дар ҶАМ кушта шуданд. Рӯзи 21-уми август РИА Новости хабар дод, ки Русия бо Ҷумҳурии Африқои Марказӣ қарордоди байнидавлатии ҳамкориҳои низомӣ имзо кард. Санадро аз ҷониби Русия вазири дифоъ Сергей Шайгу ва аз тарафи Ҷумҳурии Африқои Марказӣ (ҶАМ) Мари Ноэл Койяра имзо карданд. Ба қавли Койяра, нерӯҳои кишвараш комилан хароб шудаанд ва зарур аст, ки тавони ҷангиашон барқарор шавад. Шойгу гуфт, ки Русия ҶАМ-ро шарики ояндадор мешуморад. Рӯзи 30-юми июл се хабарнигори рус - журналист Орхан Ҷамол, коргардон Александр Расторгуев ва наворбардор Кирилл Радченко дар Ҷумҳурии Африқои Марказӣ кушта шуданд. Онҳо дар бораи фаъолияяти "ЧВК Вагнер" филм омода мекарданд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
