Бақайдгирӣ Ворид
Ворид ба сомона
tj
» » » Гузоштани санги асоси бунёди осоишгоҳ ва маркази хизматрасонӣ дар ноҳияи Бобоҷон Ғафуров

Гузоштани санги асоси бунёди осоишгоҳ ва маркази хизматрасонӣ дар ноҳияи Бобоҷон Ғафуров

29-06-2018, 07:35
Хабарро хонданд: 18 нафар
Назарҳо: 0
Гузоштани санги асоси бунёди осоишгоҳ ва маркази хизматрасонӣ дар ноҳияи Бобоҷон Ғафуров
Дирӯз Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ ба шаҳру ноҳияҳои вилояти Суғд дар ноҳияи Бобоҷон Ғафуров бо гузоштани санги асос ба бунёди Осоишгоҳ ва маркази хизматрасонӣ барои 1000 нафар дар Ҷамоати деҳоти Исфисор оғози расмӣ бахшиданд.

Ин осоишгоҳ бо тарҳи зебою замонавӣ дар минтақаи Шӯркӯл дар мавзеи хеле мувофиқу муносиб барои меҳмонону сайёҳон, яъне соҳили обанбори «Баҳри тоҷик» дар доираи тадбирҳои ободонию созандагӣ ба истиқболи ҷашни 30 солагии Истиқлолияти давлатии Тоҷикистон аз ҷониби соҳибкори ватанӣ дар масоҳати 31 гектар замин сохта хоҳад шуд.

Тавре зимни муаррифии лоиҳаи ин иншоот ба Пешвои миллат муҳтарам Эмомалӣ Раҳмон иттилоъ дода шуд, паймонкори Осоишгоҳ ва маркази хизматрасонии замонавӣ «Шаҳри зебои мо» буда, он дар давоми се сол аз ҷониби фармоишгар Ҷамъияти дорои масъулияташ маҳдуди «Кохи малика» сохта мешавад ва дар рӯзҳои истиқбол аз 30 солагии Истиқлолияти давлатии Тоҷикистон мавриди баҳрабардорӣ қарор мегирад.

Дар иншоот 300 нафар бо ҷойи кор ва маоиши хуб таъмин мешаванд. Дар ҳудуди осоишгоҳ ду бинои бисёрошёнаи меҳмонхона барои 1000 нафар сохта мешавад.

Мувофиқи лоиҳа дар осоишгоҳ тамоми шароити зарурӣ барои меҳмонону сайёҳони дохилию хориҷӣ фароҳам оварда мешавад ва он дар асоси талаботи меъёрҳои байналмилалӣ қомат хоҳад афрохт. Таъкид гардид, ки дар сохтмони тамоми қисматҳои осоишгоҳ мутахассисону бинокрони ботаҷриба ҷалб карда мешаванд.

Дар ҳудуди Осоишгоҳ ва маркази хизматрасонӣ дар ноҳияи Бобоҷон Ғафуров ҳамчунин бо мақсади таъмини пурраи истироҳату фароғати меҳмонону мизоҷон ва сайёҳон бунёди бинои табобатӣ, маркази ҷавонон, толор барои баргузории ҳамоишу чорабиниҳои гуногун, ошхона, чойхонаи миллӣ, се майдончаи варзишии хӯрд, як майдони варзишии калон бо меъёрҳои ҷаҳонӣ, ҳавзи шиноварӣ, амфитеатр, аквапарк ё худ парки обӣ, истгоҳи нақлиёт ва дигар иншооти табобативу маишӣ барои истироҳаткунандагону мизоҷон пешбинӣ шудааст.

Дар фарҷоми мулоқот Президенти мамлакат муҳтарам Эмомалӣ Раҳмон бори дигар ба сохтмончиёни Осоишгоҳ ва маркази хизматрасонии муосир дар ноҳияи Бобоҷон Ғафуров барои иҷрои босифати корҳои бунёдӣ ва дар муҳлати пешбинигардида ба истифода додани ин иншооти зебою замонавӣ муваффақияту пешрафти ҳамаҷонибаи кор дар ин иншооти бузургро орзу намуданд
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: