Покизагии хоку обу ҳавои Ватан

Панҷ. Ҳисса гузоштан дар амалӣ гардидани дастуру супориш ва ҳидоятҳои Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон оиди покиза нигоҳ доштани обу хоку ҳавои Ватан, тарбия намудани ҷавонон дар руҳияи муносибати неку дилсӯзона доштан ба муҳити атроф ва покиза нигоҳ доштани ҷӯйбору наҳрои обгузар ва заҳбуру заҳкашҳо бо ташаббуси ТҶҶ «Созандагони Ватан» рӯзи 14 октябри соли 2017 дар ҳамаи ташкилоту муассисаҳои шаҳраки Панҷ бо иштироки кормандони корхонаҳо, аъзоён, чонибдорони ҲХДТ ва аъзоёни ТҶҶ «Созандагони Ватан», ҳамчунин сокинони шаҳрак дар ҳошияи Аксияи ҳизбӣ таҳти унвони «Покизагии хоку обу ҳавои Ватан аз обҳои поку мусаффои он аст» шанбегӣ гузаронида шуд. Дар ин шанбегӣ ҷавонон ва наврасон ҷалб карда шуданд.
Дар ин чорабинии ҷамъиятӣ кулли мардуми шаҳрак асосан ба тозаю озода кардани гирду атрофи ташкилоту муассисаҳо, корхонаҳо, кӯчаю махаллахо, хиёбонхо, ҷӯю қубурҳо ва баровардани партовҳо машғул шуданд.
Минбаъд, чунин шанбегиҳо то охири соли 2017 бо иштироки аҳли ҷамоатчигии ҷамоати шаҳрак, ҷавонон ва ҷонибдорони ТҶҶ «Созандагони Ватан идома дода мешавад.

Атавуллоева З.
КИ ХХДТ дар нохияи Панҷ