Ҷаласаи кумитаи тадорукоти аксияи «Роҳ ба сӯи мактаб»

КУМИҶРОИЯИ ВИЛОЯТӢ. Дар Кумитаи иҷроияи ҲХДТ дар вилояти Суғд маҷлиси кумитаи тадорукот доир гардид. Ҷаласаро мудири шуъбаи ташкилии Кумитаи иҷроияи ҲХДТ дар вилоят Мирсаид Мирсаидов ифтитоҳ намуда, иштирокчиёнро бо барномаи баргузории аксияи «Роҳ ба суи мактаб», ки аз санаи 1-ум то 31-уми августи соли ҷорӣ дар қаламрави кишвар бо ибтикори Кумитаи Иҷроияи Марказии ҲХДТ роҳандозӣ мегардад, шинос намуд. Зикр карда шуд, ки баҳри амалӣ намудани Барномаи ҲХДТ, дастгирии оилаҳои ниёзманд ва ба ин васила баланд бардоштани обрӯю нуфузи ҲХДТ бояд аксияи мазкур дар сатҳи баланд гузаронида шавад. Ҳамоҳангсози аксияи «Роҳ ба суи мактаб» шӯъбаи таблиғот ва иттилоот ва кор бо занони КИ ҲХДТ дар вилоят муқаррар гардид. Раисони кумитаҳои иҷроияи ҲХДТ дар шаҳру ноҳияҳои вилоят муваззаф карда шуданд, ки рӯйхати оилаҳои ниёзманд ва камбизоатро тартиб дода, бо ҷалби вакилони халқ дар маҷлисҳои вакилони халқи шаҳру ноҳияҳо, сарпарастон ва саховатмандон аёдати оилаҳои камбизоатро бо дастрасии лавозимоти хониш ва либосҳои мактабӣ ба роҳ монанд, — изҳор дошт Мирсаид Мирсаидов. Ҳамчунин қайд гардид, ки ба раисони кумитаҳои иҷроияи ҲХДТ дар шаҳру ноҳияҳои вилоят супориш дода шавад, ки аксияи мазкурро дар сатҳи баланди ташкилию сиёсӣ ба роҳ монда, маълумотро оид ба баргузории аксия ба унвони Кумитаи иҷроияи ҲХДТ дар вилояти Суғд пешниҳод намоянд. Иловатан қайд гардид, ки дар доираи баргузории аксия ташкили вохӯриву мулоқотҳо ҷиҳати фарогирии духтарон ба таҳсилоти зинаи сеюми хониш гузаронида шавад ва бо муҳассилини МТМУ оид ба пешгирии шомилшавии ҷавонон ба ҳар гуна ҳизбу ҳарактҳои ифротгаро ва терроризму экстримизм сӯҳбату мулоқотҳои судманд доир карда шавад.