Бақайдгирӣ Ворид
Ворид ба сомона
tj
» » » Мақомоти иҷроияи ҳокимияти давлатии шаҳри Душанбе: «Дар зарфи 3 сол тамоми роҳҳои асосӣ ва дохилии пойтахт пурра таъмир ва асфалтпӯш мегарданд»

Мақомоти иҷроияи ҳокимияти давлатии шаҳри Душанбе: «Дар зарфи 3 сол тамоми роҳҳои асосӣ ва дохилии пойтахт пурра таъмир ва асфалтпӯш мегарданд»

26-07-2017, 09:50
Хабарро хонданд: 30 нафар
Назарҳо: 0
Мақомоти иҷроияи ҳокимияти давлатии шаҳри Душанбе: «Дар зарфи 3 сол тамоми роҳҳои асосӣ ва дохилии пойтахт пурра таъмир ва асфалтпӯш мегарданд»

Дирӯз дар Маркази матбуотии ҷумҳуриявии АМИТ «Ховар» нишасти матбуотии Мақомоти иҷроияи ҳокимияти давлатии шаҳри Душанбе оид ба натиҷаҳои фаъолият дар шаш моҳи соли равон баргузор гардид.

Дар нишасти хабарӣ байни роҳбарияти мақомоти мазкур ва намояндагони воситаҳои ахбори омма дар мавзӯи таъмини сокинони пойтахт бо оби нӯшокӣ, сари вақт тоза намудани партовгоҳҳо, таъмири роҳҳо, лифтҳо ва дигар масъалаҳои марбут ба соҳаи хоҷагидории пойтахт суолу ҷавоб сурат гирифт.

Муовини якуми Раиси шаҳри Душанбе Маҳмадсаид Зувайдзода зимни посух ба суолҳо зикр кард, ки дар масъалаи таъмини сокинони шаҳр бо оби нӯшокӣ мақомот тамоми имкониятҳои мавҷударо истифода бурда, он яке аз масъалаҳои муҳими соҳаи хоҷагидории пойтахт маҳсуб мешавад.

Номбурда таъкид намуд, ки Мақомоти иҷроияи ҳокимияти давлатии шаҳри Душанбе тасмим гирифтааст, ки дар ояндаи наздик бо мақсади ба стандартҳои ҷаҳонӣ мутобиқ намудани хизматрасониҳои коммуналӣ теъдоди зиёди техникаи махсусгардонидашудаи соҳаро ба пойтахт ворид намояд.

М. Зувайдзода дар масъалаи корношоям будан ва мушкилоти зиёд доштани таъмири лифтҳои хонаҳои бисёрошёна зикр кард, ки дар ҳақиқат солҳост сокинони ин биноҳо, ки замони собиқ Иттиҳоди Шӯравӣ дар шаҳр бунёд шудаанд, бо ин мушкилӣ рӯ ба рӯ ҳастанд. Дар ин биноҳо лифтҳои истеҳсоли шаҳри Самарқанди Ҷумҳурии Ӯзбекистон ва Ҷумҳурии Беларус насб шудаанд, ки пас аз барҳам хӯрдани ин корхонаҳо онҳо ҳам аз лиҳози таъмин бо қисмҳои эҳтиётӣ ва ҳам нарасидани мутахассисони таъмиргар мушкил эҷод менамоянд.

«Ин масъала мавриди баррасии масъулини шаҳр қарор дорад ва роҳи ҳалли худро хоҳад ёфт» — илова намуд М.Зувайдзода.

М.Зувайдзода ҳамчунин иброз намуд, ки ҷиҳати ба меъёрҳои шаҳрдорӣ мутобиқ намудани инфрасохтори пойтахт, суръат бахшидан ба таҷдиду навсозии роҳҳои дохилӣ, хиёбону маҳаллаҳо, сохтмони пулҳо, гузаргоҳҳои зеризаминӣ тадбирҳои зарурӣ андешида мешаванд. Аз ҷумла, дар давраи ҳисоботӣ роҳҳои пойтахт ба масофаи 26 километру 800 метр бо масоҳати 207 ҳазору 918 метри мураббаъ таъмир ва асфалтпӯш гардиданд.

Мақомоти иҷроияи ҳокимияти давлатии шаҳри Душанбе тасмим гирифтааст, ки дар зарфи 3 сол тамоми роҳҳои пойтахт- роҳҳои асосӣ ва дохилии онро пурра таъмир ва асфалтпӯш намояд.

Дар нишаст ҳамчунин зикр гардид, ки айни ҳол аҳолии пойтахт 820 ҳазор нафарро ташкил медиҳад.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: