Таркише дар Кобул 24 кушта ва 40 захмӣ бар ҷой гузошт25-07-2017, 12:45
Хабарро хонданд: 221 нафар
Назарҳо: 0
 Таркише дар шаҳри Кобул, пойтахти Афғонистон ҷони 24 нафарро рабуда, беш аз 40 тани дигарро захмӣ кард. Мақомот мегӯянд, ин таркиш дар натиҷаи ҳамлаи як маргталаб ба автобуси хидматчиёни давлатӣ рух додааст. Сухангӯи вазорати умури дохилии Афғонистон Наҷиб Дониш дар суҳбат бо хабаргузории France-Presse гуфт, ин таркиш субҳи дирӯз дар ғарби Кобул рух дода, маргталаб ба автобуси кормандони вазорати саноати истихроҷи маъданҳои куҳии ин кишвар ҳамла кардааст. Ба иттилои расмӣ, худи ҳамлагари эҳтимолӣ низ дар таркиш ҷон дод. Шоҳидон мегӯянд, ҳамла тавассути як мошини пур аз маводи тарканда анҷом шуд. Наҷиб Дониш афзуд, ки дар натиҷа автобус оташ гирифтааст. Ӯ дар мавриди он ки мусофирони автобус танҳо хидматчиёни давлатӣ буданд ё не, чизе нагуфт. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
