Обуна дар ташкилотҳои ибтидоии ҳизбии ноҳия

МАСТЧОҲ. Дар ҳамаи ташкилотҳои ибтидоии ҳизбии ноҳияи Мастчоҳ маъракаи муҳими сиёсӣ – обуна ба рӯзномаҳои ҳизбӣ бомаром ва суръати хуб идома дорад. Ситоди ноҳиявии обуна ба рӯзномаҳои ҳизбӣ маҷлис гузаронида, ба ташкилотҳои ҳизбӣ ҷиҳати дар муҳлати муайянгардида иҷро намудани нақшаи обуна дастуру супоришҳои мушаххас медиҳад. Дар чунин як ҷаласа, ки субҳи имрӯз дар маҷлисгоҳи КИ ҲХДТ дар ноҳияи Мастчоҳ баргузор гардид, раиси ситоди ноҳиявии обуна ба рӯзномаҳои ҳизбӣ Дилшод Зокиров бори дигар аз ниҳоят муҳим будани маъракаи имсолаи обуна ҳарф зада, таъкид намуд, ки дар муҳлати муқарраргардида иҷро намудани меъёри обуна ба рӯзномаҳои ҳизбии “Минбари халқ”, “Сухани халқ” ва “Нигоҳи халқ” аз иттиҳоду ҳамбастагӣ ва пешсафии аъзои ҳизб дарак медиҳад. Аз ин рӯ ҳамаи моро лозим аст, ки дар ин шабу рӯз барои пурра иҷро намудани нақшаи ба ноҳияи Мастчоҳ пешбинигардида тамоми саъйи худро истифода намоем. Лозим ба ёдоварист, ки то имрӯз ташкилотҳои ибтидоии ҲХДТ дар беморхонаи маркзии ноҳияи Мастчоҳ, раёсати ноҳиявии Агентии давлатии суғуртаи иҷтимоӣ ва нафақа пурра уҳдадории худро дар самти обуна ба рӯзномаҳои ҳизбӣ иҷро намуданд.