Бақайдгирӣ Ворид
Ворид ба сомона
tj
» » » Мулоқоти Пешвои миллат бо роҳбарону фаъолон ва намояндагони сокинони вилояти Хатлон

Мулоқоти Пешвои миллат бо роҳбарону фаъолон ва намояндагони сокинони вилояти Хатлон

13-05-2017, 15:02
Хабарро хонданд: 185 нафар
Назарҳо: 0
Мулоқоти Пешвои миллат бо роҳбарону фаъолон ва намояндагони сокинони вилояти Хатлон

ДУШАНБЕ, 13.05.2017 /АМИТ «Ховар»/. 13 майи соли 2017 дар рӯзи дуюми сафари корӣ дар ноҳияи Данғара Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон бо роҳбарону фаъолон ва намояндагони сокинони вилояти Хатлон мулоқоти судманду созанда доир карданд.

Сарвари давлат муҳтарам Эмомалӣ Раҳмон зимни суханронӣ оид ба дастовардҳои соҳаҳои хоҷагии халқи вилояти Хатлон ва яке аз ноҳияҳои калонтарини саноатию аграрии ҷумҳурӣ — ноҳияи Данғара бо таҳлилҳои амиқ андешаронӣ карда, барои иҷрои саривақтию босифати супоришҳои Ҳукумати Ҷумҳурии Тоҷикистон ба роҳбарияти вилояти Хатлон дастурҳои мушаххас доданд.

Таъкид гардид, ки соли 2016 ба вилоят 1,3 миллиард сомонӣ сармояи мустақими хориҷӣ ворид шудааст, ки 38 фоизи ҳиссаи умумиҷумҳуриявиро ташкил медиҳад.

Соли 2016 ва семоҳаи якуми соли 2017 аз ҳамаи манбаъҳои маблағгузории буҷетӣ барои рушди иқтисодиву иҷтимоии вилояти Хатлон 5,5 миллиард сомонӣ равона гардидааст. Дар ин давра дар ҳудуди вилоят 29 лоиҳаи давлатии сармоягузорӣ ба маблағи 3,6 миллиард сомонӣ татбиқ шудааст.

Ҳаҷми истеҳсолоти кишоварзии вилоят соли гузашта ба 11,7 миллиард сомонӣ баробар гардидааст. Дар семоҳаи якуми соли ҷорӣ бошад, ин нишондиҳанда ба 440 миллион сомонӣ расонида шуд.

Пешвои миллат муҳтарам Эмомалӣ Раҳмон таъкид доштанд, ки захираву имкониятҳои бузурги вилоят то ҳанӯз пурра истифода намешаванд ва барои ҳалли мушкилот дар ин самт роҳбарияти вилоят ва масъулини соҳа бояд тадбирҳои мушаххас андешанд.

Соли 2016 даромади буҷети вилоят нисбат ба соли 2015 — 88 миллион зиёд шуда, 1,3 миллиард сомониро ташкил кардааст ва нақшаи аниқшуда 96,1 фоиз иҷро шудааст. Дар чор моҳи соли 2017 ба буҷети вилоят 281 миллион сомонӣ ворид гардидааст.

Роҳбарияти вилоят, раисони шаҳру ноҳияҳо, роҳбарони корхонаву муассисаҳо доир ба иҷрои уҳдадориҳо дар назди буҷет ва коҳиш додани бақияпулиҳои андоз вазифадор гардиданд.

Сарвари давлат муҳтарам Эмомалӣ Раҳмон ба роҳбарияти вилоят инчунин вобаста ба истифодаи самараноки замин бо роҳи кишти такрорӣ, захираи маҳсулоту содироти он, вусъат додани корҳои ободониву созандагӣ, рушди соҳаи маориф, таъмини муассисаҳои таълимӣ бо омӯзгорон, беҳтар кардани сатҳу сифати таълиму тарбия, дар бахши тандурустӣ барои беҳдошту дастрасии аҳолӣ ба хизматрасонии тиббӣ, тарбияи кадрҳои баландихтисос, таъмини волоияти қонун, пешгирии ҷинояткорӣ ва қонуншиканиҳо дастуру супоришҳои мушаххас доданд.

Дар охири суханронӣ Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон барои амалӣ гаштани ҳадафу ормонҳои неки Ҳукумати Ҷумҳурии Тоҷикистон ба кулли сокинони ватандӯсту сарбаланд ва заҳматқарини вилоят барору муваффақият орзу намуданд.

Дар мулоқот сокинони вилоят ва намояндагони касбу кори гуногун суханронӣ карда, пеш аз ҳама ба Пешвои миллат муҳтарам Эмомалӣ Раҳмон барои дастгирии ҳамаҷониба ва талошҳои созанда изҳори сипосу миннатдорӣ намуданд.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: