Об—сарчашмаи ҳаёт

Дар Кумитаи иҷроияи ибтидоии ҲХДТ «Инқилоб» бо иштироки ҳайати профессорон, дотсентон, устодон, донишҷӯёни Донишкадаи иқтисод ва савдои Донишгоҳи давлатии тиҷорати Тоҷикистон ва меҳмонони бурунмарзӣ ҳамоиши илмӣ-амалӣ таҳти унвони «Об—рушди устувор (2018-2028)» баҳри амалӣ гардидани Барномаи стратегии Ҳукумати Ҷумҳурии Тоҷикистон оид ба ташаббуси Пешвои миллат аз минбарҳои байналмилалӣ «Даҳсолаи амал Об-барои рушди устувор» баргузор гардид, ки дар он мудири шӯъбаи кор бо занони Кумитаи иҷроияи ҲХДТ дар шаҳри Хуҷанд Зеварой Бобоева ширкат ва суханронӣ намуд.
Инчунин, мудири кафедраи ДИС ДДТТ Нарзулло Қобилов суханронӣ намуд.
Ҷавондухтарону ҷавонписарон ташаббуси сарвари давлатро хуб арзёбӣ намуда, изҳор доштанд, ки тибқи дастуру супоришҳои Президенти мамлакат дар роҳи пешрафти давлату миллат роҳи созандагиву ободкорӣ пеша хоҳанд кард.
Итминони комил дорем, ки ҷавонони тоҷик бо такя ба хиради воло ва андешаи ибратомӯзи бузургони майдони илму адаб роҳ сӯйи ободонии Ватан пеш мегиранд ва дар рушди миллату устуворсозии пояҳои истиқлолият қадамҳои устувор мегузоранд.