Роҳ ба сӯйи ояндаи нек

Тибқи ҷадвали тасдиқгардида дар тамоми гӯшаю канори мамлакатамон имрӯз шарҳи моҳият ва муҳтавои Паёми Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ба Маҷлиси Олии Ҷумҳурии Тоҷикистон ба роҳ монда шудааст. Дар Ҷамоати деҳоти Ваҳдат ва Исмоили Сомонии ноҳияи Деваштич гуруҳи кории Ҳукумати Ҷумҳурии Тоҷикистон оид ба шарҳи моҳият ва муҳтавои Паёми Сарвари мамлакат вохӯрӣ бо аҳолӣ баргузор гардид. Дар чорабинии мазкур вакили Маҷлиси намояндагони Маҷлиси Олии Ҷумҳурии Тоҷикистон Исмоилзода Зуфар Муртазохон, устоди Донишгоҳи миллии Тоҷикистон А.Шарипов, устоди Донишгоҳи миллии Тоҷикистон Ф.Қодиров, устоди Донишгоҳи давлатии Хуҷанд ба номи Б.Ғафуров А.Мирсаидов, раиси КИН ҲХДТ дар ноҳияи Деваштич К.Исмоилов ва сардори шӯъбаи КДАМ дар ноҳияи Деваштич Б.Абдуллоев ширкат варзиданд.
Раиси ноҳия Ҷӯразода Рустам Боймурод чорабиниро ифтитоҳ намуда, ҳайати меҳмононро аз номи ҳозирин меҳмононро барои ташрифашон миннатдорӣ баён намуд. Дар суханрониҳо намояндагони Ҳукумати Ҷумҳурии Тоҷикистон Исмоилзода Зуфар Муртазохон, А.Шарипов, Ф.Қодиров, Б.Ғафуров А.Мирсаидов тамоми паҳлуҳои Паёми Пешвои миллатро барои ҳозирин ба таври муфассал шарҳ доданд.
Лоиқ Тӯйчиев, мутахассиси бахши таблиғоту иттилооти КИН ҲХДТ дар ноҳияи Деваштич