Интихоботи президентии Ӯзбекистон бо раъйдиҳии пешазмуҳлат оғоз шуд29-11-2016, 11:24
Хабарро хонданд: 384 нафар
Назарҳо: 0
 Раъйдиҳии пешазмуҳлат дар интихоботи президентии Ӯзбекистон, ки қарор аст, 4 декабри соли равон баргузор шавад, шуруъ шуд. Довталаби асосии курсии раҳбари Ӯзбекистон сарвазир Шавкат Мирзиёв буда, Ҳотамҷон Кетмонов аз Ҳизби халқии демократӣ, Сарвар Отамуродов аз Ҳизби "Миллий Тикланиш", Наримон Умаров аз Ҳизби "Адолат" низ номзадии худро ба мақоми президентӣ пешниҳод кардаанд. Президенти ояндаи Ӯзбекистон барои 5 сол интихоб мешавад. Бар пояи қонунгузории ин кишвар, раъйдиҳии пешазмуҳлат 10 рӯз пеш шуруъ шуда, то як рӯз мондан ба интихобот идома хоҳад ёфт. 21 миллиону 435 ҳазор раъйдиҳанда ба қайд гирифта шудааст.Дар саросари Ӯзбекистон 9378 қитъаи овоздиҳӣ таъсис ёфта, 44 нуқтаи дигар дар намояндагиҳои ин кишвар дар 28 давлати дунё боз хоҳад шуд. Ин интихобот баъди марги Ислом Каримов эълон карда шуд, ки ҷасадашро 3 сентябри соли равон дар Самарқанд ба хок супориданд. Саидраҳмон Каримӣ
|
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
