Дубайтиҳо

Бикун, парҳез зи ҷаҳлу ҳам ҷаҳолат,
Маҷӯ, дар тундравӣ бахту саодат,
Мабош, танпарвару танбал ба олам,
Машав, мири ғазаб, андар разолат.

Зи дашноме забонатро нигаҳ дор,
Каломи бад магӯ дилҳо маёзор.
Бирон, аз ҳастиат қаҳру газабро,
Бимон , доим накукору сазовор .

Ба одамҳо бишав, ёру бародар,
Ба ҳар нокас макун худро баробар.
Каломи хуш бурун ор, аз забонат,
Накуном шав, ба мисли шамси Ховар

Ҳама бухлу ҳасад аз худ бурун рон,
Бикун, ту меҳрубонӣ , аз аз дилу ҷон.
Шитоб бинмо, ба ислоҳи хатоят,
Қадам берун манеҳ, аз роҳи мардон.


Дилат гар моили мадху салом аст,
Забонат гар шакаррези калом аст,
Шави махбуби дилхо байни мардум,
Хилолат гуиё бадри тамом аст.


Чориёри Иброҳим.