Натиҷабардорӣ аз фаъолияти шашмоҳа

Дар толори калони Мақомоти иҷроияи ҳокимияти давлатии ноҳияи Зафаробод бо иштироки Роҳбари дастгоҳи КИВ ҲХДТ дар вилояти Суғд Зоҳидов Фаррух маҷлиси ҷамъбастии нимсолаи аввали соли 2016-уми Кумитаи иҷроияи Ҳизби Халқии Демократии Тоҷикистон дар ноҳияи Зафаробод гузаронида шуд. Дар маҷлис намояндаи мақомоти иҷроияи ҳокимияти давлатии ноҳия, мудири шуъбаи рушди иҷтимоӣ ва робита бо ҷомеа Шарифов Туйгун иштирок намуд.

Маҷлиси ҷамъбастии нимсолаи аввали соли 2016-уми Кумитаи иҷроияи Ҳизби Халқии Демократии Тоҷикистон дар ноҳияи Зафарободро Раиси Кумитаи иҷроияи Ҳизби Халқии Демократии Тоҷикистон дар ноҳияи Зафаробод Ашӯров Раҷаббой ифтитоҳ намуд. Ҳисоботи фаъолияти Кумитаи иҷроияи Ҳизби Халқии Демократии Тоҷикистон дар ноҳияи Зафаробод барои нимсолаи аввали соли 2016-ум аз ҷониби муовини Раиси Кумитаи иҷроияи Ҳизби Халқии Демократии Тоҷикистон дар ноҳияи Зафаробод дода шуд. Сипас, ба музокира ҷонишини директории МТМУ №6 Холиқов Абдуманнон, омӯзгори коллеҷи политехники Мергандова Назора ва ҷониши директории МТМУ №23 Фозилов Фаридун баромада, фаъолияти кумиҷроияро дар шашмоҳои сипаригашта қаноатбахш арзёбӣ карданд.

Роҳбари КИВ ҲХДТ дар вилояти Суғд Зоҳидов Фаррух баромад намуда, аз дастовардҳо ва камбудиҳои КИ ҲХДТ дар ноҳияи Зафаробод ёдовар шуда, дар назди Кумиҷроия вазифагузорӣ намуд.

Мудири шуъбаи рушди иҷтимоӣ ва робита бо ҷомеаи мақомоти иҷроияи ҳокимияти давлатии ноҳияи Зафаробод Шарипов Тӯйғун баромад карда, қайд намуд, ки имрӯз дар Ҷумҳурии Тоҷикистон сатҳи зиндагии мардум рӯз аз рӯз беҳтару хубтар мегардад. Бо шарофати сиёсати хирадмандонаи Сарвари давлат мӯҳтарам Эмомалӣ Раҳмон ва ҲХДТ мамлакати мо дар арсаи байналхалқи мавқеи худро мустаҳкам намуд. Бинобар ин моро зарур аст, ки ҳангоми иҷрои вазифаҳо бемасулияти зоҳир накарда Оиннома ва Барномаи ҲХДТ-ро дуруст ва сари вакт иҷро намоем. Кумитаи иҷроияи ҲХДТ дар ноҳия дар давраи ҳисоботи ба натиҷаҳои назаррас ноил гашт.

Дар фарҷоми маҷлис ба аъзоёни фаъоли ҳизб роҳбарони корхонаву ташкилотҳои ибтидоии беҳтарин сипосномаҳои Раиси КИВ ҲХДТ дар вилояти Суғд, ифтихорномаи Раиси КИ ҲХДТ дар ноҳияи Зафаробод ва тӯҳфаҳои хотиравии кумиҷроия супорида шуд.