Озмуни ҷумҳуриявии “Тоҷикистон - сарзамини бостон”

Кумитаи Иҷроияи Марказии Ҳизби Халқии Демократии Тоҷикистон ва Иттифоқи журналистони Тоҷикистон ба муносибати 35-солагии Истиқлоли давлатии Ҷумҳурии Тоҷикистон озмуни ҷумҳуриявиро байни донишҷӯёни муассисаҳои таҳсилоти олии касбии Тоҷикистон дар мавзуи «Тоҷикистон-сарзамини бостон» доир менамояд.
Ҳадаф аз баргузории озмун таблиғу ташвиқи ҳамаҷонибаи Паёми ПрезидентиҶумҳурииТоҷикистон ба Маҷлиси Олии кишвар бобати боло бурдани худшиносии миллӣ ва ватанпарастиву ватандӯстии ҷавонон, тарғиби дастовардҳои замони Истиқлоли давлатӣ ва татбиқиҳадафҳои рушди Ҷумҳурии Тоҷикистон мебошад.
Озмун аз 1-уми май то 31-уми август гузаронида шуда, ба он маводе, ки аз 1-уми январ то 31-уми август дар воситаҳои ахбори оммаи чопӣ, сомонаҳои хабарӣ, шабакаҳои иҷтимоӣ табъу нашр гардидаанд ва дар телевизиону радио пахш шудаанд, пешниҳод мешаванд. Озмун аз рӯйиноминатсияҳоизерингузаронида мешавад:
- мақола дар нашрияҳои чопӣ;
- мавод дар шабакаҳои иҷтимоӣ ва сомонаҳои иттилоотӣ;
- маводи телевизионӣ;
- маводи радиоӣ
Маводи ба озмун пешниҳодшаванда бояд дар сатҳи баланди эҷодӣ омода шуда, ба муҳтавои озмун ҷавобгӯ бошанд ва ифтихори бузург аз ватандориву ватанпарастиро ҳаматарафа инъикос намояд.
Мавод дар дилхоҳ жанри журналистӣ ба забонҳои тоҷикӣ ва русӣ пешниҳод шуда метавонад. Ҳангоми баҳодиҳии маводи озмун меъёрҳои зерин ба назар гирифта мешаванд:
-сатҳи касбии барномаҳои радио ва телевизионӣ, матолиби чопии омодашуда (истифода аз усулҳои таъсирбахш ва ба фаҳми хонанда наздики эҷодӣ, дақиқкорӣ ва мунсифияти таҳлил);
-ҷолибияти консепсия ва тарзи пешниҳоди мавзуи баррасишаванда;
-сифати муҳтаво ва роҳҳои ҳалли масъала;
-арзиши тарбиявӣ ва ҷамъиятии мавод-мавқеи шаҳрвандии муаллиф.
Барои иштирок дар озмун маводи зерин пешниҳодмешавад:
- маълумот дар бораи довталаб (CV);
- асарҳодаршаклиСD (барои маводи радиоӣ) ва DVD (барои маводи телевизионӣ ва филми мустанад);
- маълумотномаи эфири барномаҳои телевизионӣ ва радиоӣ;
- нусхаи маводи чопӣ;
- матни маводи дар сомонаҳои интернетӣ нашргардида ва ё суроғаи нашр дар шабакаҳои иҷтимоӣ;
- нусхаи билети донишҷӯӣ.
Маводҳо ба озмун аз ҷониби як нафар ё гурӯҳи муаллифон пешниҳод карда мешаванд.
Довталабон метавонанд маводи худро ба нишонии: шаҳри Душанбе, кӯчаи Шероз 31 ба ҳайати тадорукоти озмун ирсол доранд.