Ба Путин, Лукашенко ва Ҷеенбеков "ордени Назарбоев" тақдим карданд29-05-2019, 11:04
Хабарро хонданд: 254 нафар
Назарҳо: 0
 Роҳбари Қазоқистон ба президенти Русия Владимир Путин, роҳбари Белорус Александр Лукашенко ва президенти Қирғизистон Сооронбой Ҷеенбеков ордени "Президенти нахустини Қазоқистон - пешвои миллат Нурсултон Назарбоев" тақдим кард.Фармони Қосимҷомарт Тоқаев дар бораи тақдими орденҳо 28 май нашр шуд. Дар фармон омадааст, ки се роҳбар "ба ифтихори 25-солагии пайдоиши идеяи ҳамгироии Авруосиё ва панҷсолагии имзои Шартнома дар бораи Иттиҳоди иқтисодии Авруосиё, инчунин саҳми вижа дар тақвият ва густариши ҳамкориҳо бо Қазоқистон" бо орден мушарраф мешаванд. Дар ҳайати иттиҳоди мазкур, ки аз сӯи Москва роҳбарӣ мешавад, Арманистон низ шомил аст. Имрӯз, 29 май, дар пойтахти Қазоқистон саммити Иттиҳоди иқтисодии Авруосиё (ИИАО) баргузор мешавад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
