Дар ноҳияи Ванҷ Маркази ҳамкориҳои мардуму милитсия ифтитоҳ шуд

ДУШАНБЕ, 1 апр — Sputnik. Марказ аз се утоқи корӣ иборат буда, якеаш барои Шӯрои ҷамъиятӣ оид ба мусоидати ҷомеаи шаҳрвандӣ дар таъмини тартиботи ҷамъиятӣ ва ду утоқи дигар барои нозирони минтақавӣ ҷудо карда шуда, ҳамаи утоқҳо бо таҷҳизотҳои замонавӣ муҷаҳхаз гардидаанд.
Дар чорабинӣ раиси ҳукумати ноҳияи Ванҷ Давлатбибӣ Раҷабова , Ҳамоҳангсози миллӣ оид ба ислоҳоти милитсияи ВКД генерал-майори милитсия Шодмонзода Фарҳодбек, сардори ШВКД дар ноҳияи Ванҷ полковники милитсия Зикриёзода Ҷурахон, намояндагони Сафорати Амрико, ҷаноби Ҷеймс Берг, ташкилоти "Дунёи бехатар" Хирад Каргасов ва Зоҳир Асаншоев, Шӯрои ҷамъиятии вилоятӣ Манучеҳр Холиқназаров, ташкилоти шарик аз шаҳри Хоруғ Некруз Наврузов ширкат кардаанд.
Ин сохтмон бо мақсади беҳбуд бахшидан ба рафти фаъолияти кормандони милитсия, бахусус бахши ҳифзи тартиботи ҷамъиятӣ ва нозирони минтақавӣ аз ҷониби роҳбарияти Ҳукумати кишвар ва Вазорати корҳои дохилӣ таваҷҷӯҳи махсус зоҳир карда мешавад.