МАҶЛИСҲОИ ҲИСОБОТӢ – ИНТИХОБОТӢ ДАР ТАШКИЛОТИ ИБТИДОИИ “КАТС” – И НОҲИЯИ ВОСЕЪ

Восеъ: Санаи 06.06.2022, бо иштироки масъулини Кумитаи иҷроияи ҲХДТ дар ноҳияи Восеъ, дар ташкилоти ибтидоии ҳизбии “КАТС” – и ноҳияи Восеъ, маҷлиси ҳисоботӣ – интихоботӣ гузаронида шуд.
Маҷлис аз рӯи 5 – масъала баррасӣ гардида сараввал ҳисоботи раиси ташкилоти болозикр шунида шуда, инчунин иброз гардид, ки ташкилоти номбурда дар давраи ҳисоботӣ фаъолияти назаррасе дошт, дар аксияҳои ҳизбӣ фаъолона иштирок намуда, аъзоёни он ҳамеша дар талоши солим нигоҳ доштани шаҳрвандон мебошанд. Боиси зикр аст, ки ташкилот нақшаи Обуна-2022-ро низ сарбаландона, пеш аз мӯҳлат иҷро карда буд. Иброз гардид, ки минбаъд низ ҳамаи дастуру супоришҳои роҳбарияти ҲХДТ-ро дастгирӣ намуда, дар амалисозии Барномаи он сидқан талош менамоянд.
Дар идома аз тарафи масъулин ва аъзоёни ташкилот ҳамаи масъалаҳои рӯзномаи маҷлис баррасӣ гардида, қаноатбахш ҳисобида шуда, қарорҳои дахлдорро оид ба рафти маҷлис қабул гардида, Фарзонаи Мастонзод бо ҳамовозии аксарияти аъзоён аз нав раиси ташкилоти номбурда интихоб гардид.
Дар охири маҷлис Сафар Ҳ.Р.- раиси Кумитаи иҷроияи ҲХДТ дар ноҳияи Восеъ, ба аъзоёни ташкилот оид ба саҳмгузоштан дар ташаббусҳои ҳизбӣ ва ба мардум содиқонаву софдилона хизмат намудан, инчунин баҳри пешравию тараққиёти кишвар талош намудан андешаронӣ намуд.