Sputnik: Путин ба варзишгарони Тоҷикистон баҳои баланд дод

Апрель 27, 2022 12:17

ДУШАНБЕ, 27.04.2022 /АМИТ «Ховар»/. Президенти Русия Владимир Путин паралимпичиёни тоҷикро дастаи қавӣ номид. Ӯ таъкид намуд, ки Москва барои ҳамкории фарох ва созанда бо ҳар касе, ки асосҳои варзишро қадр мекунад, омода аст. Дар ин бора АМИТ «Ховар» бо истинод ба «Sputnik» хабар дод.

«Мо аз қабули ҳамаи онҳое, ки варзишро бидуни табъиз ва маҳдудияти сунъӣ, барои идеалҳои он – тимсоли адолат, баробарӣ ва муборизаи одилона ҷонибдорӣ мекунанд, шодем»,- гуфт Путин.

Ба гуфтаи президенти Русия, яке аз нишонаи тасдиқи ин гуфтаҳо- бозиҳои зимистонаи «Мо бо ҳамем. Варзиш» мебошанд, ки дар Ханта-Мансийск барои пурзӯртарин варзишгарони паралимпӣ ташкил карда шуданд.

«Ин, ки паралимпиёчиёни Русия ва Беларус – яке аз беҳтаринҳо дар ҷаҳонанд, далели воқеист. Онҳо сеяки ҳамаи ҷоизаҳоро дар чемпионатҳои ҷаҳон сазовор гаштаанд»,-изҳор дошт Путин зимни мулоқот бо ғолибони Олимпиада ва Паралимпиада дар Пекин.

Ғайр аз ин, зикр намуд президент, дастаҳои мунтахаби паралимпийчиёни Арманистон, Қазоқистон ва Тоҷикистон, ки дар мусоюбиқа иштирок доштанд, пурқувваттарин мебошанд.

Ёдовар мешавем, ки бозиҳои «Мо бо ҳамем. Варзиш» аз 18 то 21 март дар шаҳри Ханта-Мансийски Русия доир гардиданд. Дар он паралимпичиёни тоҷик бо роҳбарии раиси Кумитаи миллии паралимпии Тоҷикистон Парвиз Бобошарифов иштирок намуданд. Ба дастаи миллии Тоҷикистон ба ғайр аз ӯ Суннатуло Ғаффоров (лижаронии кӯҳӣ), Сиёвуш Илёсов (лижатозӣ), Илҳомиддин Абдуллоев (мураббии лижаронӣ) ва Сафарбек Саидов (мураббӣ оид ба барномасозии тамринҳо) шомил буданд.