Бақайдгирӣ Ворид
Ворид ба сомона
tj
» » » » «ФИРДАВСӢ» САЗОВОРИ ШОҲҶОИЗА ГАРДИД

«ФИРДАВСӢ» САЗОВОРИ ШОҲҶОИЗА ГАРДИД

23-04-2019, 14:22
Хабарро хонданд: 88 нафар
Назарҳо: 0
«ФИРДАВСӢ» САЗОВОРИ ШОҲҶОИЗА ГАРДИДШоми дирӯз дар Театри давлатии опера ва балети ба номи С.Айнӣ Фестивал – озмуни ҷумҳуриявии театрҳои касбӣ «Парасту – 2019» бо тантана ҷамъбаст гардид.

Дар маросими ҷамъбасти Фестивал-озмун муовини аввали Вазири фарҳанги Ҷумҳурии Тоҷикистон Обид Назариён ва муовини Вазири фарҳанги Ҷумҳурии Тоҷикистон Зевар Давлатзода иштирок намуда, ба аҳли санъату театр барои иштироки фаъолона дар фестивали мазкур изҳори сипос намуданд. Зикр гардид, ки озмуни имсола бо инъикоси мавзӯъ ва образу бадеият аз солҳои қаблӣ фарқ мекард.

Гуфта шуд, ки аҳли театри ҷумҳурӣ кӯшиш ба харҷ доданд, ки дар инъикоси вазъи иҷтимоии ҷомеа ва рӯҳу маънавиёти мардум саҳм гузоранд. Бо саҳнаҳои ҷолиби диққат ва бозгӯкунандаи рӯзгори мардум аҳли ҷомеаро бояд ба ин макон боз ҳам бештар ҷалб намоянд.

Мавриди зикр аст, ки дар фестивали мазкур 18 театри касбии мамлакат намоишҳои худро, ки тӯли ду соли охир саҳнавӣ гардидаанд, ба маърази тамошобинон ва ҳакамони озмун гузоштанд.

Дар Фестивал як зумра театрҳои касбии мамлакат бо унвонҳои фахрӣ қадрдонӣ гардиданд.

Шоҳҷоизаи озмун насиби Театри давлатии академии драмавии ба номи Абулқосим Лоҳутӣ барои спектакли «Фирдавсӣ» гардид. Намоишномаро коргардон Султон Усмонов аз рӯи романи «Фирдавсӣ»-и нависандаи шинохтаи тоҷик Сотим Улуғзода таҳия кардааст. Нақши Фирдавсиро дар он Ҳунарпешаи халқии Тоҷикистон Қурбони Собир хеле моҳирона бозид.

«ФИРДАВСӢ» САЗОВОРИ ШОҲҶОИЗА ГАРДИДТеатри давлатии академии опера ва балети ба номи С.Айнӣ барои операи Амирбек Мӯсоев «Хусрав ва Ширин», либреттои Гулназар Келдӣ дар таҳияи Шавкат Халилов ва Театри мусиқӣ-драмавии ба номи Туҳфа Фозиловаи шаҳри Конибодом барои спектакли «Қорӣ Ишкамба» аз рўи асари Садриддин Айнӣ дар таҳияи Музаффар Муҳиддин ҷои якумро соҳиб шуданд.

Ба Театри давлатии драмавии русии ба номи Вл.Маяковский барои спектакли «Тартюф» — и Жан Батист Молйер дар таҳияи Ҳунарпешаи халқии Тоҷикистон Баҳодур Миралибеков ва Театри давлатии ҷавонон ба номи Маҳмудҷон Воҳидов барои спектакли «Вақте ки кӯҳҳо сукут мекунанд» аз уи асари Чингиз Айматов дар таҳияи Нозим Меликов ҷои дуюм насиб гардид.

Ҷои сеюмро Театри давлатии мусиқии тамошобини ҷавон ба номи Одилҷон Назарови шаҳри Хуҷанд барои спектакли «Пораи дили модар» аз рӯи пйесаи Ҳалим Шариф дар таҳияи Эҳсон Ҳомидов ва Театри мусиқӣ-мазҳакавии ба номи Ато Муҳаммадҷонови шаҳри Бохтар барои спектакли «Карим Девона» аз рӯи асари Турахон Аҳмадхонов дар таҳияи Қурбонмуҳаммад Шукуров бо ҳам диданд.

Нозим Меликов барои таҳияи спектакли «Вақте ки кӯҳҳо сукут мекунанд» ғолиби номинатсияи «Коргардони беҳтарин» дониста шуд.

Дар номинатсияи «Беҳтарин нақши мардона» Фирдавс Қосимов барои иҷрои нақши шоир дар спектакли «Ватандорӣ» аз рўи ашъори Лоиқ Шералӣ ҳамто надошт.

Марина Ярмолик ғолиби номинатсияи «Беҳтарин нақши занона» (нақши Дарина дар намоиши «Тартюф» — и Жан Батист Молйер) эълон гардид.

Ба профессор Тамара Абдушукурова ва Ҳунарпешаи шоистаи Тоҷикистон Фотима Ғуломова ҷоизаи «Барои садоқат ба касб ва саҳми назаррас дар рушди санъати театрии Тоҷикистон» тақдим карда шуд.

Ёдовар мешавем, ки Фестивал-озмуни «Парасту» аз ҷониби Вазорати фарҳанги Ҷумҳурии Тоҷикистон бо мақсади рушди драматургияи миллӣ, санъати театрии мамлакат, таҳияи асарҳои баландғояи ватанӣ, баланд бардоштани сатҳи маҳорати касбии коргардонҳо, ҳунармандон, рассомон, бастакорон, ҳисси ифтихори ватандӯстию ватанпарастӣ ва анъанаҳои хуби таърихию фарҳангӣ гузаронида мешавад.
Мақоми мавод:
  
Чоп
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
Назари худро гузоред
Номи Шумо: *
E-mail: *
Матни назар:
Полужирный Наклонный текст Подчеркнутый текст Зачеркнутый текст | Выравнивание по левому краю По центру Выравнивание по правому краю | Вставка смайликов Вставка ссылкиВставка защищенной ссылки Выбор цвета | Скрытый текст Вставка цитаты Преобразовать выбранный текст из транслитерации в кириллицу Вставка спойлера
Рамз: Включите эту картинку для отображения кода безопасности
Агар рамз ноаён бошад, он гоҳ пахш намоед
Рамзро ворид кунед: