Эътирозҳо ба зидди тавофуқи Путин бо Ҷопон21-01-2019, 09:14
Хабарро хонданд: 181 нафар
Назарҳо: 0
 Дар шаҳри Маскав ва дигар гӯшаҳои Русия садҳо нафар бар зидди эҳтимоли ба Ҷопон додани ҷазираҳои Курил эътироз карданд. Рӯзи 20-уми январ дар тазоҳуроти шаҳри Маскав, садҳо нафар ҳузур доштанд. Тазоҳурот бо ташаббуси гуруҳе аз созмонҳои чапгаро ва миллатгаро аз ҷумла Ҷабҳаи Чап, Русияи дигар, Новороссия баргузор шуд. Дар шаҳри Хабаровск дар Шарқи Дур 500 нафар дар тазоҳурот ширкат карданд ва ба зидди ҳукумати Владимир Путин шиор медоданд ва фарёд мекашиданд, ки Курил аз мост. Дар шаҳри Сахалини Ҷанубӣ, маркази Сахалин 300 нафар дар тазоҳурот ширкат карданд. Чаҳор ҷазираро дар Курил шӯравии собиқ дар рузҳои охири Ҷанги Ҷаҳонии Дуввум ишғол кард. Барои ҳамин то кунун Русия ва Ҷопон аҳдномаи сулҳ набастаанд. Моҳи ноябр Владимир Путин, раиси ҷумҳури Русия ва Шинзо Абе нахуствазири Ҷопон ба созиш расиданд, ки ду ҷазираи камаҳолӣ бар асоси пешниҳоди шӯравӣ дар соли 1956 ба Ҷопон баргардонда шавад. Дар Ҷопон яке аз ин ҷазираҳоро Шикотан ва дигариро Ҳабомай меноманд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
