ҒИЗОЛЕ МАҶРУҲ

Бар фарози қуллаи таърих
Мениҳам пои хаёл,
Медавонам чашм бар чор сӯ,
Мебинам
Як гизоле бас қашанг,
Аммо маҷруҳ
Бо беқарорӣ медавад дар синаи куҳ.
Қатра-қатра хуни наформани ӯ
Мечакад чун қатраи ашк
Аз дидагони захм,
Рӯи барфи нуқрагин
Мекашад раҳ.

Саргиреҳи ин таноби арғувониро
Сахт печонда дар ангуштон
Як нафар сайёди лангу тангчашм
Сайди маҷруҳро
То имрӯз
Мекунад таъқиб.

Аз димоғам мебарояд оташи ох:
Саргузашти миллатам ин нест?

Ҳамроҳи Авлиёпур