Имрӯз дар Душанбе боридани борон пешгӯӣ мешавад12-07-2017, 10:00
Хабарро хонданд: 108 нафар
Назарҳо: 0
 ДУШАНБЕ, 12.07.2017 /АМИТ «Ховар»/. Имрӯз, 12 июл дар ҷумҳурӣ ҳаво тағйирёбанда шуда, дар баъзе минтақаҳо ҳарорат то ба 43 дараҷа мерасад. Мувофиқи маълумоти мутахассисони Агентии обуҳавошиносии Тоҷикистон, дар Вилояти Мухтори Кӯҳистони Бадахшон ҳаво тағйирёбанда шуда, боридани борон дар назар дошта шудааст. Ҳарорат дар ғарби вилоят 27-32 дараҷа ва дар шарқи он 17-22 дараҷаро ташкил медиҳад. Дар вилояти Хатлон дар водиҳо 38-43 дараҷа гарм мешавад. Дар вилояти Суғд ҳаво тағйирёбанда шуда, дар баъзе ҷойҳо боридани борон ва раъду барқ дар назар дошта шудааст. Ҳарорати ҳаво 34-39 дараҷаро ташкил медиҳад. Дар ноҳияҳои тобеи марказ ҳаво қисман абрнок гардида, борон меборад. Ҳарорат дар водиҳо ба 37-42 дараҷа мерасад. Дар шаҳри Душанбе ҳаво тағйирёбанда шуда, боридани борон ва раъду барқ пешгӯӣ мешавад. Ҳаво 38 — 40 дараҷа гарм мешавад. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
