Даври дуюми аксияҳои ҳизбӣ ҷамъбаст гардид

Дар асоси иҷроиши дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон, Раиси муаззами ҲХДТ муҳтарам Эмомалӣ Раҳмон дар ноҳияи Ёвон даври дуюми Аксияҳои ҳизбӣ таҳти унвони «Ихтироъкорӣ ва навоварӣ тақозои замон аст» ва «Навоварӣ аз кабинетҳои фаннӣ оғоз мегардад» миёни муассисаҳои таълимии ноҳия, литсейҳои касбӣ-техникӣ ва Коллеҷи тиббии ноҳия ҷамъбаст гардид.
Аксияҳои мазкур моҳҳои апрел ва майи соли равон дар ноҳия баргузор гардида, дар нуҳ ҷамоатҳои шаҳраку деҳоти ноҳия бо иштироки муассисаҳои таълимии ҳудуди ҷамоатҳо ва литсейю Коллеҷи тиббӣ баргузор гардид.
Дар аксия зиёда аз 80 дастаҳо аз муассисаҳои таълимӣ ширкати фаъолона намуда, ихтироъкориҳои наврасону ҷавононро ба маърази тамошо гузоштанд. Тибқи хулосаи Кумитаи тадорукот ва ҳайати ҳакамони Аксия даври сеюми Аксия миёни дастаҳои ғолиби ҷамоатҳои шаҳраку деҳот, литсейҳои касбӣ- техникӣ ва Коллеҷи тиббии ноҳия дар арафаи ҷашни 20 -солагии Ваҳдати миллӣ дар ноҳия баргузор гардида, дастаҳои беҳтарин ва ғолиби даври сеюм барои иштирок дар даври вилоятӣ иштирок менамоянд.
Ҷавонону наврасони ноҳия аз баргузории Аксияҳои мазкур болидаруҳ ва ҳавасманд гардида, барои ташкил ва баргузории он ба Кумитаи иҷроияи ҲХДТ дар ноҳия арзи сипосу миннатдорӣ намуданд.
Ногуфта намонад, ки дастаҳои ғолиби даври дуюми Аксияҳо бо Сипосномаҳои Кумитаи иҷроияи ҲХДТ дар ноҳияи Ёвон қадрдонӣ гардиданд.