«Бозори ҳунар» дар Боғи «Ирам»4-05-2017, 09:50
Хабарро хонданд: 199 нафар
Назарҳо: 0
 Дар Боғи «Ирам» Фестивали ҷумҳуриявии ҳунарҳои бадеии халқӣ «Бозори ҳунар» доир мегардад 1 ДУШАНБЕ, 04.05.2017 /АМИТ «Ховар»/. Ба иттилои Вазорати фарҳанги Ҷумҳурии Тоҷикистон 13-14 май дар Боғи «Ирам»-и шаҳри Душанбе Фестивали ҷумҳуриявии ҳунарҳои бадеии халқӣ «Бозори ҳунар» баргузор мегардад. Фестивали «Бозори ҳунар» бо иқдоми Вазорати фарҳанги Ҷумҳурии Тоҷикистон бо мақсади мусоидат ба бунёди инфрасохтори ҳунарҳои бадеии халқи тоҷик, такомули ҳавасмандгардонии моддӣ ва маънавии ҳунармандон, эҳёи суннатҳои асили ҳунарҳои бадеии халқӣ ва баланд бардоштани арзиши милливу эстетикии анвои ҳунарҳои бадеии халқӣ гузаронида мешавад. «Фестивал бо иштироки беҳтарин ҳунармандони мардумӣ- кулолгарон, оҳангарон, дуредгарон, сангтарошон, заргарон, гулдӯзон, зардӯзон, ки барои намоиш додани ҳунари ороиши суннатӣ, чакану адрасбофӣ, рассомӣ, суннати таомпазӣ, нонпазӣ, чармгарӣ, сарояндагиву навозандагӣ, расму оинҳои марбут ба фолклор аз вилоятҳои Суғд, Хатлон, ВМКБ, шаҳри Душанбе ва навоҳии тобеи марказ ҷамъ меоянд, сурат мегирад»,-хабар доданд аз Вазорати фарҳанги Ҷумҳурии Тоҷикистон. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
