Болоравии нархи маҳсулот мавсимӣ мебошад

Соли 2022 дар ҳамаи шаклҳои хоҷагидорӣ истеҳсоли ғалладонагиҳо 1756,2 ҳазор тонна, аз ҷумла гандум 934,3 ҳазор тонна, картошка 1094,4 ҳазор тонна, сабзавот 2714,8 ҳазор тонна, аз ҷумла пиёз 672,2 ҳазор тонна, полизӣ 842,6 ҳазор тонна, пахта 404,7 ҳазор тонна, мева 512,1 ҳазор тонна ва ангур 301,1 ҳазор тоннаро ташкил дода, нисбат ба соли 2021 ғалладонагиҳо 10,7 фоиз, аз ҷумла гандум 6,6 фоиз, сабзавот 4,5 фоиз, полизӣ 2,9 фоиз, картошка 5,1 фоиз, пахта 4,1 фоиз, мева 15,2 фоиз ва ангур 12,6 фоиз зиёд гардида, пиёз 6,6 фоиз коҳиш ёфтааст. Дар соли 2022 истеҳсоли сабзавот дар гармхонаҳо 24,6 фоиз афзоиш ёфта, ба 2968,8 тонна баробар гардид. Дар ин бора Завқӣ Завқизода, вазири рушди иқтисод ва савдои Ҷумҳурии Тоҷикистон зимни нишасти хабарӣ ба хабарнигорон иттилоъ дод.
Номбурда қайд намуд,ки дар давраи соли 2022 истеҳсоли шир 1,2 млн тоннаро ташкил дод, ки вобаста ба баланд ва паст шудани нархномаи он омилҳои гуногун мебошад, ки яке аз сабабҳояшро сирф мавсимӣ арзёбӣ намуд.

Саида ХОҶАЕВА