Каха Имнадзе ба Ҳукумати Тоҷикистон барои даъвати тамоми ҷаҳон бобати таваҷҷуҳ зоҳир намудан ба обшавии пиряхҳо ва ҳифзи захираҳои об изҳори сипос намуд11-06-2024, 08:32
Хабарро хонданд: 2626 нафар
Назарҳо: 72
 «Ман хеле шод ва сипосгузор ҳастам, ки Ҳукумати Тоҷикистон ҳамроҳ бо созмонҳои зиёди ҷаҳонӣ чунин чорабинии васеъмиқёс баргузор намуда, тамоми ҷаҳонро ба таваҷҷуҳ ба чунин мушкилии муҳими ҷаҳонӣ, ба мисли обшавии пиряхҳо ва ҳифзи захираҳои обӣ даъват менамояд», — гуфт намояндаи махсуси Дабири кулли Созмони Милали Муттаҳид оид ба Осиёи Марказӣ, роҳбари Маркази минтақавии дипломатияи пешгирикунанда барои Осиёи Марказӣ Каха Имнадзе 10 июн дар доираи Форуми байналмилалии пиряхҳо дар Душанбе.Каха Имнадзе изҳори боварӣ намуд, ки Осиёи Марказӣ дар таҳқиқ ва ҳифзи пиряхҳо ва захираҳои обӣ мавқеи муҳимро ишғол менамояд. «Конфронси байналмилалӣ ба мо имкон медиҳад, ки ба кори худ афзалият дода, нуктаҳои муҳимеро, ки ногузир ба онҳо бояд таваҷҷуҳ кард, таъкид намоем. Моро зарур аст, ки равишро дар рушди ҳифзи захираҳои об муайян намуда, ҳамкории байналмилалиро дар ин самт таҳким бахшем, ташаббус нишон дода, дар ҳифзи сайёраамон саҳм гузорем, зеро бо мушкилоти иқлим мушкилии саломатии инсон низ ба миён меояд. Умед дорам, ки конфронс самари хуб ба бор меорад ва мо барои ҳифзи захираҳои обии ҷаҳон тадбирҳои нав меандешем», — иброз намуд ӯ. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
