Чин хабари боздошти 1 млн мусулмонро рад кард16-08-2018, 14:19
Хабарро хонданд: 132 нафар
Назарҳо: 0
 Ҳукумати Чин мегӯяд, хабарҳо дар бораи боздошти 1 миллион уйғури мусулмон дар вилояти Синтсзяни ин кишвар "комилан беасосанд". Дар ин бора Би-би-сӣ иттилоъ медиҳад. "Уйғурҳо шаҳрванди комилҳуқуқи Чин ҳастанд. Вале ба онҳое, ки фиреби тундгароёни диниро хурдаанд, бо роҳи кӯчонидан ва бозомӯзӣ кумак расонида мешавад", - омадааст дар иттилоияи расмии ҳукумати Чин, ки дар ҷаласаи СММ дар шаҳри Женева ироа шуд. Пештар созмонҳои ҳомии ҳуқуқ аз боздошти дастаҷамъии уйғурҳои мусулмон дар вилояти Синтсзян хабар доданд. Ба гуфтаи ҳомиёни ҳуқуқ, дар урдугоҳҳо мусулмононро маҷбур мекунанд, ки ба президенти Чин Сӣ Ҷинпин савганди садоқат ёд кунанд. Анҷумани ҷаҳонии уйғурҳо мегӯяд, мақомоти Чин мусулмононро дар урдугоҳҳо бемуҳлат нигаҳ медоранд ва ба сар додани шиорҳои Ҳизби коммунист маҷбур мекунанд. Ҳарчанд ҳукумати Чин уйғурҳоро дар доираи маъракаи муборизаи худ бо тундгароии динӣ боздошт кардааст, зидди бештари онҳо расман айб эълом нашудааст. Хабарҳо дар бораи боздошти дастаҷамъии мусулмонон дар шимолу ғарби Чин баъд аз ташаннуҷи авзоъ дар ин минтақа нашр шуданд. |
Ҳамчунин нигаред ба:
Хонандаи азиз, ба сомона Шумо ҳамчун истифодабарандаи қайднагардида ворид гардидед. Аз ин рӯ, барои пайдо намудани имкониятҳои бештари сомона ба Шумо тавсия медиҳем, ки худро ба қайд гиред ва ё бо номи қайдшудаи худ вориди сомона гардед.
[/banner_right-3]
