МАҲМУДОВ МАЪРУФҶОН БОБОРАҶАБОВИЧ

23 феврали соли 1959 дар шаҳраки Зарафшони ноҳияи Айнӣ таваллуд шудааст. Соли 1980 Донишкадаи давлатии педагогии шаҳри Ленинобод (Хуҷанд)-ро хатм намудааст
Солҳои 1980-1981 ба ҳайси муаллими мактаби миёнаи № 12, ноҳияи Қумсангир фаъолият намудааст. Аз соли 1981 то соли 1996 дар мактабҳои миёнаи №9, 31, ва 6 ноҳияи Айнӣ ба сифати муаллим фаъолият кардааст. Соли 1996 ба вазифаи Директори мактаби миёнаи № 38 ноҳияи Айнӣ таъин мешавад.
Соли 1999 ба шаҳри Душанбе, ба Институти такмили ихтисоси Вазорати маорифи ҶТ ба кор даъват мешавад. Бо назардошти он, ки туъли фаъолияти худ дар сохторҳои мухталифи соҳаи маориф, бо Воситаҳои ахбори оммаи кишвар ҳамкории пайваста дошт, ба Идораи барномаҳои иттилоотии Телевизиони Тоҷикистон ба кор қабул мешавад ва то соли 2006 дар он ҷо фаъолият намудааст.
Як муддат дар ҳафтаномаи «Тоҷикистон» ба ҳайси рӯзноманигор фаъолият намуда, аз соли 2007 ин ҷониб дар ҳафтаномаи «Минбари халқ» ба сифати рӯзноманигор ва баъдан дар вазифаи котиби масъул кор кардааст.
Марҳум шоми 14 октябри соли равон, бар асари бемории фишорбаландӣ, дар бемористони Қарияи Болои шаҳри Душанбе аз олам даргузашт.

Ёдат ба хайр ва охиратат обод бод бародар ва ҳамкасби азиз!