Тоҷикон дар оинаи таърих

Бо ибтикори Кумитаи иҷроияи Ҳизби Халқии Демократии Тоҷикистон дар вилояти Суғд дар ФҶСК «Бонки Эсхата» дар ноҳияи Деваштич, бо иштироки Раиси Шӯрои духтарони ҲХДТ дар ноҳия Азиза Насриева, и.в.Роҳбари НТҶҶ «Созандагони Ватан» Сарвар Саидов, Раиси ташкилот Аҳмадҷон Аброров ва дигарон дар бораи омӯзиши китоби «Тоҷикон дар оинаи таърих»-и Асосгузори Сулҳу Ваҳдати миллӣ, Пешвои миллат, Эмомалӣ Раҳмон вохӯрӣ баргузор гардид.

Азиза Насрива дар бораи рисолати Пешвои миллат, мӯҳтарам Эмомалӣ Раҳмон ва хизматҳои неки ин фарзанди фарзона нисбати давлату миллат ва мардуми сарбаландаш маърӯза намуда, доир ба аҳамияти омӯзиши китоби «Тоҷикон дар оинаи таърих» истода гузашта, хоссатан қайд кард, ки «Таҷриба нишон дод, ки дар роҳи расидан ба сулҳу салоҳ ва ризоияти миллӣ монеаҳои бартарафнашаванда қариб вуҷуд надоранд. Ба шарте, ки дар мадди аввал манфиати миллат, манфиати давлат ва манфиати кулли сокинони ҷумҳурӣ қарор дошта бошад. Имрӯз шукри он мекунем, ки сулҳу ризоияти миллӣ дар Тоҷикистон пойдор аст, сулҳи бебозгашт ва бадалнашаванда. Ба ибораи як сарвари воломақоми созмонҳои байналмилалӣ сулҳи комилан тоҷикона, ки дар хоку гили ин сарзамини азияткашида сабзидаву қомат афрохтааст.»

Дар анҷоми вохӯрӣ барои шахсони ба узвияти ҳизб қабулшуда шаҳодатномаҳои узвият супорида шуд ва Раиси ФҶСК «Бонки Эсхата» Аҳмадҷон Аброров миннатдории хешро барои намояндагони ҳизб баён намуд.