Ободонӣ шиори мост

Бо қарори Раиси вилояти Суғд аз 16 декабри соли 2015 таҳти №546 ва қарори Раиси ноҳияи Деваштич аз 25-01-2016 сол таҳти №7 соли 2016 «Соли маҳалла, деҳа ва шаҳраки обод» эълон гашт. Бо мақсади ободонӣ, сарсабзӣ ва зебою шукуфо намудани шаҳрак ва амалӣ намудани қарорҳо дар корхонаю ташкилотҳои ноҳия нақша – чорабиниҳо таҳия намуда, корҳо баҳри иҷроиши нақшаҳо равона карда шуд ва мутобиқи он дар ноҳия дарахтони ороишӣ ва сояафкан, гулҳои гуногуншакл ва мавсимӣ дар кӯчаю хиёбонҳои шаҳрак шинонида шудааст, ки наъшунамои хуб доранд ва шакли зоҳирии шаҳракро зебо кардаанд. Ба хусус барои тозагӣ ва санитарии шаҳрак диққати махсус дода шуда, тамоми ҷӯйбору лотокҳо аз партову лойқа, партовҳои кӯчаю хонаҳои истиқоматӣ берун бароварда шуд.

Бо супориши Раиси ноҳия Рустам Ҷӯразода аз ҷониби Корхонаи давлатии фаръии «Хоҷагии манзилию коммуналӣ» 2520 м.кв. роҳҳои пиёдагарди шаҳрак таъмир шуда, ба маблағи 8300 сомонӣ дар маркази ноҳия лавҳаи Каҳрамонони миллат гузошта шуд.

Аз ниёгонамон то ба имрӯз чун анъана ҳисси ватандӯстиву ободкорӣ дар замирашон ҷой дораду боқӣ мондааст, то кунун идома дорад. Бо талабу дархост ва дастгирии кумитаи падару модарон баҳри ободу зебо намудан ва дар руҳияи созандагиву ободонӣ тарбия кардани насли наврас дар Гимназияи №1 ва муассисаи таълимии №1-и шаҳраки Ғончӣ роҳравҳояш таъмир ва атрофашро панҷараҳои рангину зебо муҷҷаҳаз карда шуданд.

Беморхонаи марказии ноҳия ва КАТС низ баҳри ободонӣ аз ҳисоби маблағҳои худӣ тамоми роҳҳои пиёдагарди атрофашро пурра таъмир ва гулзор намуданд. Ҷамоати шаҳраки Ғончӣ низ ин иқдоми некро идома дода, роҳи пиёдагардро таъмир ва бинову панҷараҳояшро ранг намуд.
То таҷлили 25-солагии Истиқлолияти ватани азизамон мардуми ободкору бунёдкори ноҳияи Деваштич бисёр иқдомҳои некро дар амал татбиқ намуда, ҳоло низ идома дода истодаанд.